DIA DA PAZ

Hoxe celebramos o Día da Paz no cole e vouvos ensinar algús dos traballos que fixemos.

Seguindo na liña da Psicoloxía Positiva buscamos boas noticias nos xornais para facer as seguintes pombiñas da paz:

A idea está sacada do blog de EDUCAR, PEGAR, VOLAR de Pritt, picade na imaxe para ir ao blog! Moi interesante e con cousiñas fáciles e creativas!

Tamén seguimos os consellos do Seminario Galego de Educación para a Paz e da FundiPau ou Fundició per la Pau que propoñían as seguintes actividades.

Unha delas era a concienciación para a non fabricación de armas nucleares. A partir dunha bomba nuclear os nenos e nenas buscaron e imaxinaron todo o que podía ser menos unha arma: unha gravata, unha ambulancia, un floreiro, un caramelo, unha afía, un cohete, unha nena, un zeppelin, unha Coca-Cola, unha botella de champán...

Despois durante estes días visionamos as seguintes curtas animadas e tentamos razoar que querían dicir. Se tedes un momento son moi, moi recomendables! Falan sobre o diálogo, a resolición pacífica de conflitos, e como non, dos males da guerra e as súas consecuencias. Aos meus rapaces encantáronlles! 

O grupo de persoas que formamos parte do Seminario Tic do meu cole fixemos un muro colaborativo da paz onde poderedes atopar estas e outras actividades interesantes tanto de tipo musical como con manualidades ou poemas. Podedes velo picando AQUÍ.

Déixovos tamén a nosa frase do festival:

Na celebración conxunta que fixemos todas as aulas de infantil e primaria elaborouse un puzle de cartón e cada clase decorou a súa peza cunha frase.

Tamén fixemos un crebacabezas con cubos (os soportes son as caixas dos folios)

Estas dúas últimas son ideas do equipo de extraescolares do centro.

Aos que visitades o blog déixovos un dispensador de sorrisos, o primeiro paso para a paz, pero sobre todo para ser feliz! Pois iso, feliz día da paz!