II PREMIO BOAS PRÁCTICAS DE INNOVACIÓN EDUCATIVA 2012-2013

Onte saía publicada na web da Consellería a resolución provisional dos premios de boas prácticas de innovación educativa da Consellería de Educación da Xunta de Galicia e o proxecto que hai detrás de este blog, e por ende eu e o cole de Oza dos Ríos ao que pertencía o ano pasado, resultamos premiados!

SEGUNDO PREMIO DE BOAS PRÁCTICAS DE INNOVACIÓN EDUCATIVA NA MODALIDADE B DE ATENCIÓN Á DIVERSIDADE!

Estou feliz, emocionada e verdadeiramente orgullosa!

E como cando se recibe un premio o protocolo ensínanos que hai que facer os agradecementos oportunos eu tamén o vou facer, porque é de xustiza que se lle recoñeza o traballo e a paciencia a todos aqueles que me rodean de boas vibracións e cariño.
1. Agradezo profundamente a todos os seguidores do blog as súas visitas e os seus comentarios porque son o acicate que me fai intentar mellorar cada día. GRAZAS!
2. Agradezo infinitamente á miña familia, e sobre todo, ao meu marido, que entendan e comprendan que o meu traballo é a miña paixión, e aguanten estoicamente e sen dar nada a cambio que moitas veces esté nas nubes. O tempo que lle adico a esto quítollelo a eles, quérovos moito, sodes o meu exemplo. GRAZAS!
3. Agradézollo tamén aos meus amigos e amigas, a eses que soportan os meus rollos patateros sobre colexios e teorías da educación, aos que teñen que aguantar a miña narcolepsia e que nunca se enfadan se eu non estou. GRAZAS!
4. Agradézollo aos meus compañeiros de traballo, a todos os que "enredo" nas miñas loucuras, aos que me aguantan, e aínda máis aos que me acompañan nas miñas excentricidades. GRAZAS!
 5. E dedícollo a todos eses raros e raras que están nos coles fedellando e experimentando so para conseguir que os seus rapaces aprendan e que loitan porque esta sexa unha sociedade máis xusta, máis inclusiva e máis innovadora. GRAZAS!
6. Para rematar, e como non, dedícollo aos protagonistas do blog, aos meus nenos e nenas, a eses tolos baixiños que cos seus ollos de emoción e o seu ímpetu fan que me levante cada día con gañas de velos e de enfrentalos a novos retos por resolver. Teño a mellor profesión do mundo, aquela na que cando faltas tres días, recíbente cun abrazo.

Sen a comprensión e axuda de todos e todas as que me rodean, sen a convicción de que outra escola e outro mundo é posible se no lo propoñemos e traballamos por ela a pesar das adversidades, sen o ambiente de harmonía e cariño que me rodea e que me deixa estar tranquila e feliz, sen outras preocupacións máis que que mañá teño que ir ao colexio e traballar cos meus alumnos, sen todo isto, este premio non sería posible, e este traballo non sería posible.

UNHA VEZ MÁIS: GRAZAS! GRAZAS! GRAZAS!

PROPÓÑOVOS UN BRINDIS VIRTUAL CON TODOS VOS! 

CHIN-CHIN!

Imaxe de Tony Blay vista no blog de Santi García.