APRENDENDO POR COMPETENCIAS.

Este curso propúxenme traballar por competencias, ou polo menos intentalo... Neste caso elexín un mapa de A Laracha para que o entorno do que faláramos fose coñecido. 

Por outra banda, tamén quería que os nenos e nenas de 4º da miña clase aprendan a pensar e a razoar, por iso, decidín que as preguntas que lles ía facer sobre ese mapa deberían levar consigo INFERENCIAS e non so localización de datos. Teño que recoñecer que lles foi difícil pero tamén teño a esperanza que a próxima vez que se enfrenten a unha tarefa deste tipo xa non teñan tantos problemas! 

Aprendendo por competencias from Patricia Pena Barbeito

Tentei relacionar os contidos dos temas 6 dos libros de SM: ecosistemas, dar opinións e resolución de problemas (entre outros)

Para aprender a dar opinións dende o respeto ensineilles as seguintes imaxes que están sacadas do blog ACTILUDIS, e que unen a tarefa coas ilusións ópticas e a linguaxe plástica.

Se nos damos conta haberá quen diga que o que se ve é un rato, outros dirán que o que se ve é un gato. Calquera deles terá razón. 

Afondando no tema de aprender a convivir, as hablilidades sociais e a ser asertivo pero con empatía (defender con argumentos a túa opinión tendo en conta a dos demais) usei tamén os seguintes dilemas morais que atopei na rede e que deixo traducidos ao  galego. Todos participamos utilizando: "EU CREO QUE....", "EU OPINO QUE..." Por suposto todos tiveron razón, so é cuestión de perspectivas.

Dilemas morais from Patricia Pena Barbeito

Destacar que para experimentar tamén outros tipos de avaliación fíxémola a través dunha  RÚBRICA que podedes atopar na última páxina da tarefa. Non sei como fixeron pero todos sacaron unhas notazas... jeje!

Pois isto foi todo! Seguiremos experimentando se o SR. Don Libro de Texto nos deixa. Que estrés!!!!