jueves, 10 de octubre de 2013

LINGUAXE EMOCIONAL NA EI


O ano pasado fixen un curso de EDUCABARRIÉ sobre INTELIXENCIA EMOCIONAL e non tivera tempo de mostrarvos os resultados.

Nas horas de estimulación da linguaxe en infantil estivemos traballando neste sentido. A actividade consistiu primeiro en facer unhas sinxelas fichas na PDI que podedes descargar dende o blog de Elena E. Medina EN EL AULA DE APOYO e que son da editorial CASALS. Eleximos os sentimentos de:  TRISTEZA, ALEGRÍA, MEDO E ENFADO.



Despois xogamos a este xogo (picade na imaxe para
ir a el)



Hai moitos materiais deste tipo, deixo aquí algúns por se alguén lle interesan!





  Conto visto en: http://orientacioncpidepanxon.blogspot.com.es/2013/01/paula-e-o-seu-pelo-multicolor.html


 Por último, mandeilles unha nota aos pais para que, se podían e tiñan, nos enviaran  fotos dos seus fillos e fillas expresando diferentes emocións. Unha vez que as trouxeron cada un tiña que narrar que sentimento tiña na foto e o porqué. Con todas as fotos enviadas fixemos o seguinte MURAL EMOCIONAL:



Dende o labor que facía como mestra de audición e linguaxe pareceume que a linguaxe emocional estaba directamente relacionada co meu traballo, pois poñerlle nome ao que sentimos e o primeiro paso para poder abordar e dar estratexias para controlar certos sentimentos. O que sentimos está aí, iso non é subxectivo, pero como te enfrentas a eso que sintes si que o elixes ti. A continuación déixovos un vídeo sobre o tema.

Vídeo do programa REDES visto no blog de Orientación  CPI de Panxón.

3 comentarios:

  1. Unha fantástica forma de traballar as emocións. Gárdome os enlaces que sen dúbida utilizarei. Un bico.

    ResponderEliminar
  2. O manexo das emocións é unha aprendizaxe fundamental dende a infancia. Encóntrase na base das demais aprendizaxes; xa que todo o que facemos está impregnado de emoción. Encántame como traballaches cos nenos de Infantil. Eu pretendo impregnar o currículo de Aprendizaxe Emocional. Patricia, gardo os teus excelentes recursos. Un saúdo afectuoso.

    ResponderEliminar
  3. Eu tamén estou convencida de que a escola debería estar máis chea de aprendizaxe emocional, e a sociedade en xeral! Grazas polas túas plabras Dolores!

    ResponderEliminar

Related Posts Plugin for WordPress, Blogger...