8 DE MARZO, DIA DA MULLER TRABALLADORA

No cole de Betanzos dende o Equipo de Dinamización da Lingua Galega tamén imos conmemorar o 8 de marzo o día da Muller Traballadora, ímolo facer a través dunha ferramenta virtual o Koowall, un muro on line onde subiremos as impresións dos nenos e nenas, cantigas, debuxos e todo o que se lles ocurra, un muro onde poder reivindicar o papel da muller na sociedade actual, porque... a  pesares de que as cousas cambiaron moito, aínda queda moito por facer! Aquí o tedes! Pulsade na imaxe para velo!

Tamén podedes botarlle unha ollada á páxina web do cole onde está colgado este muro (a modo de Muro de Berlín ou Muro da Vergoña,  a ver se algún día podemos derribalo!).
 Atoparedes, entre moitas cousas interesantes, unha explicación da celebración deste día e o material de Rocío Méndez, a mellor orientadora que coñezo!

Tamén unha das persoas que coñezo, virtualmente, que mellor fai os libros Lim, Ana Martínez Rey, fixo esta chulada de libro con rimas que persoalmente me encantou para traballar a coeducación. Para velo picade na imaxe, non ten desperdicio!

Pero... tiña un problemiña... non era en galego e a actividade no noso cole está proposta dende o Equipo de Dinamización da Lingua Galega, así que decidín traducir os poemiñas facendo estas actividades de lectura comprensiva para colorear. Aquí as deixo!

Poemiñas para colorear en galego

        

View more presentations from patriciapenabarbeito.

Bo día da Muller Traballadora a todas!!! E todos!!!