XORNADAS INNOVACIÓN EDUCATIVA. NOVAS COMPETENCIAS PARA A NOVA SOCIEDADE. A CORUÑA 29 E 30 DE ABRIL.

As xornadas comezaron coa ponencia de Dolors Reig (Bueno, inaugurounas o conselleiro e marchou como unha bala, nós a el tivemos que escoitalo... el a nós non... ironías da vida!).
Durante esta ponencia diante de min había un profe que so facía rir e resoplar (profesional da educación?) ata que lle escoitei dicir: Isto é de tarados! De tarados?... Ao mellor un pouco... pero a min fíxome pensar... xulgade por vos mesmos.... Se queremos alumnos e alumnas motivados temos que poñernos ao seu nivel! Non credes que lerían ata o Quijote se o suben ao You Tube? Esta é unha profe de historia cantando unha canción de Lady Gaga con letra relacionada coa Revolución Francesa.  Seguro que aos seus alumnos e alumnas non se lles olvidará na vida!

Seguimos co debate de Dolors, Ana Torres Jack e Lourdes Montero do que destaco a dicotomía e difícil tarefa coa que se atopan os pais fronte as redes sociais: ensinar e deixar facer ou controlar... 

Sábado pola mañá... os compañeiros preséntanos as súas experiencias, eu elexín a Educación en valores coa presentación da PROXECTO BATA, que nos ensina o papel da mullera través da súa vestimenta,a bata de cadros, moi chulo. Quédome coas versos dunhas alumnas:

OS HOMES GARAVATA,

AS MULLERES BATA...

Manuel Losada preséntanos como mellorar a inclusión educativa poñéndonos na pel das persoas con diversidade funcional a través da educación física e dos xogos adaptados. Móstranos aos nenos do Ceip de Portofaro (Cambre) realizando deportes como a boccia, o goalball o baloncesto en cadeira de rodas...

Os directores debaten na seguinte ponencia a súa labor na innovación, quédome coa idea da "caixa negra": que nomea  José Ángel Suárez Alonso: como controlar que as decisións que se toman en claustro cheguen ás aulas? Onde empeza e onde remata a liberdade de cátedra?

Sábado tarde... Alí xa so quedan uns cuantos "matados"...

Quédome coas ponencias de Javier Ignacio Menéndez do IES Pastoriza cobre como traballar cos alumnos a través de redes sociais cerradas como SOCIALGO, blogs de creación propia , autoaprendizaxe e creación grupal e individual a través das TIC. Unha pasada!

Tamén coa frescura de Carmen Cid Manzano que nos ensina que as TIC non son a panacea son un medio e unha metodoloxía, canto cambia a educación no seguinte video?

Tamén cos traballos dos alumnos e alumnas do Ies Otero Pedrayo no seu blog "A ciencia tamén é cultura"

Fin das xornadas, chega MAR ROMERA (se picades no nome iredes á páxina web da Asociación Picopedagóxica Francesco Tonucci, moi recomendable) . ESTA MULLER É BOÍSIMA!!!! Dinos que hai que intentar ser felices, elexir o que queremos e mirar o mundo con gafas de ovella e non de mosca... Unha filosofía de vida e de traballo moi útil nos tempos que corren! Cóntovos: Unha abella chega a un xardín e so ve as flores máis fermosas.... unha mosca que ve??? ..... pois si! O que estades pensado..... a m....... Levántate cada día e mira as cousas boas do teu traballo e da túa vida, quita as gafas de mosca! Sé abella! Eu xa o son! Aquí deixo unha imaxe deste Antroido....o meu disfraz (e eu sen sabelo, jaja!) espero que me dure moitos anos! VIVA A UTOPÍA!